Malipayong gipakita ni Mayor Ronnie Vicente Lagnada ang bag o lang nadawat nga pag ila sa lokal nga panggamhanan sa Butuan nga ISO 9001:2015 accreditation sa TUV Nord atol sa Mayor’s Address to the City, Agosto dos. Pasabot niini, ISO Certified na ang LGU Butuan. Mipasalig si Mayor Lagnada nga padayon nga naningkamot ang LGU Butuan alang sa process excellence, labina nga i-digitalize ang mga critical internal processes, i-institutionalize ang human resource academy, ug i-rationalize ang manpower gikan sa partial ngadto sa full re-organization sa katapusan sa tuig. Gani, gipasidunggan sab sa Civil Service Commission ang lokal nga panggamhanan sa syudad atol sa natigayong People’s Night miaging semana. Gihatag sa CSC ang CSC PRIME HRM Level II Recognition for Recruitment, Selection and Placement (RSP) System base sa validated self-assessment results sa PRIME HRM nga gipahigayon sa Regional Office. Kini pinaagi sa determinasyon ug paningkamut aron ma promote ang people excellence sa ahensiya alang sa episyente ug epektibong public service delivery. Gihatag sab sa CSC ang PRIME HRM Level II Recognition for Rewards and Recognition (R&R) System. Mismong si Mayor Ronnie Vicente Lagnada ang midawat sa mga pasidungog. Gipasidunggan sab sa CSC ang Butuan City Government Employees Association kun BCGEA human na comply niini ang mga rekisitos ug narehistro na sa komisyon sugod November 28, 2022 hangtud November 27, 2025. Mapasalamaton ang lokal nga panggamhanan sa Butuan sa pagpanguna ni Mayor Ronnie Vicente Lagnada sa nadawat nga accreditation gikan sa CSC. #SecuringtheFutureSustainingtheGains #MayorsAddress2023 #ButuanON #ACityAscending