Gipahigayon ang Local School Board Meeting nga gipangunahan ni City Mayor Ronnie Vicente Lagnada ug gisalmutan sa mga miyembro sa Local School Board sa Cityhall Bldg., Conference Room 2, miaging semana. Nahisgutan atol sa meeting ang Special Education Fund para sa mga nag-unang panginahanglanon sa Basic Education sa gobyerno base na sa 10 year education development plan. Gisiguro ni City Mayor Ronnie Vicente Lagnada nga pinaagi niini mahatagan og igong solusyon ang mga panginahanglanon sa mga kabatan-onan ug mga magtutudlo aron hapsay nga makasulod sila sa eskwelahan. Gibuhat kini tungod usa kini sa vision ni City Mayor Lagnada nga walay mabilin nga bata pag-abot sa edukasyon. Anaa sab ang presensya ni Konsehal Joseph Omar Andaya, Committee Chairperson sa Committee on Eucation, Culture, Arts and Heritage.