Pormal nga gilusad kagahapon ang Local Governance Resource Center kun LGRC sa pagpanguna sa Department of Interior and Local Government kun DILG didto sa Sangguniang Panlungsod Building, Butuan City. Sumala ni Engr. Donald Seronay, DILG Caraga, Officer in Charge, ang Center abli alang sa publiko labi na para sa mga estudyante, researcher, o bisan kadtong indibidwal nga gusto makakat-on kung unsa ang local governance o good governance. "This will go forward about the different plans of the local government,” sumala ni Engr. Donald Seronay, DILG Caraga. Ang Local Governance Resource Center dunay tulo ka Key Strategies nga gilangkuban sa Knowledge Management, Multi-stakeholdership Participation, ug Convergence in Local Governance nga dunay managlahing kontribusyon sa LGRC. "This is just the stepping stone for a bigger knowledge center for the City Government" pahayag ni DILG City Director Charissa Guerta sa iyang mensahe atol sa aktibidad. Gawas sa taga DILG, gitambungan sa Liga ng mga Barangay President Kapitan Gemma Tabada, academe, mga NGO ug managlahing opisina sa Lokal nga Panggamhanan sa Butuan.