Miingkod ang mga Little City Officials sa mga nagkadaiyang departamento sa lokal nga panggamhanan sa Butuan ug isip mga opisyales sa Sangguniang Panlungsod, miaging semana. Nahimong mga City Little Officials ang mga student leaders gikan sa pampubliko ug pribadong tunghaan sa syudad. Ang kalihukan usa ka programa subay na sa selebrasyon sa National Children’s Month sa bulan sa Nobyembre. Excited nga gidawat sa mga kabataan ang hagit nga gihatag kanila ug sumala nila kini usa ka oportunidad ug trabaho nga ma experience isip public servant. Aktibo sab sila sa paghatag serbisyo sa mga kliyente sa lokal nga panggamhanan. Pinaagi sa programa maghatag kini kanila og kahibalo isip lider, pagsalig sa abilidad, ug labi na pagpangandam alang sa mas dagkung responsibilidad sa umaabot nga panahon.