Makulay ug creative ang mga nagkadaiyang river float nga misalmot sa Fluvial Float Parade atol sa Abayan sa Agusan 2023, Dominggo. Gisalmutan kini sa lima ka partisipante nga gilangkuban sa Los Angeles National High school, Bahandi, Team Baglit, Team Paraluman ug DPWH- BCDEO. Nagkalain-lain ang mga disensyo sa mga river float subay sa temang "City Ascending." 1st place ang Bahandi, 2nd place Los Angeles National High School ug 3rd place ang DPWH-BCDEO. Nakatutok ang konsepto sa Bahandi sa kalampusan sa tibouk Butuan nga Agriboost Project. Tungod nagpakita kini og empowerment sa mga local farmers ug paghatag sa mga Butuanon og maayong ani. Nakadawat sab og Special Awards ang Team Paraluman isip Most Colorful Float, Los Angeles National High School nga Most Decorative Float, Most Thematic ang Bahandi ug consolation prize ang Team Paraluman ug Team Baglit. Alang kang Jennith Laguesma-Podot, Chief, Administrative Section Designated Information Officer DPWH-Butuan City DEO ang ilang konsepto sa river float nahisubay sa vision sa DPWH nga sa tuig 2040 duna nay nindot nga mga building sama na sa condominium sa Butuan asa ilawom gihapon sa temang "City Ascending." Samtang gipakita sa team Paraluman sa ilang river float ang kultura sa tribung Higaonon nga dili kalimtan ang kultura bisan paman sa pag uswag sa Butuan. Suportado sa Lokal nga Panggamhanan sa Butuan pinaagi ni Mayor Ronnie Vicente Lagnada ang nasangpit nga aktibidad.