"Daghan kaayong salamat hilabi na sa paghatag og importansya sa mga babae, ug sa mga buros." Mapasalamaton si Jerry Apple Enonaria human siya nakabaton og libre nga laboratory check up atol sa gipahigayon nga Juana's Caravan sa Barangay Ong Yiu ning syudad miaging semana. Si Jerry Apple, 28 anyos, nagpuyo sa Barangay Imadejas ning syudad ug buros sa iyang ikaduhang anak. Nanguna ang City Health Department ug upat ka Main Health Center sa pagpahigayon sa Juana's Caravan nga naghatod og managlahing serbisyo sa mga kababaihan sa syudad sa Butuan. Kini gilangkuban sa laboratory check up, family planning, dental, manicure, pedicure, massage, ug uban pa. Kini subay na kasaulugan sa International Women's Day, Marso 8. Gibisita sab nila Konsehal Cherry May Busa, Committee Chairperson sa Family, Women, and Children's Welfare ug Konsehal Eduardo Gonzales, Committee Chairperson sa Health and Sanitation ang upat ka Main Health Center nga gilangkuban sa Obrero Main Health Center (gipahigayon sa Barangay Ong Yiu) Ampayon Main Health Center, Libertad Main Health Center, (nga gipahigayon sa Barangay Amparo Covered Court), ug Bilay Main Health Center (nga gipahigayon sa Barangay Maguinda Covered Court). Ang kalihukan suportado ni City Mayor Ronnie Vicente Lagnada sa tumong nga mabati sa mga babaye ang importansya sa komunidad dili lang sa nasangpit nga okasyon pinaagi sa lain-lain nga serbisyo nga pwedeng makatabang sa ilang panlawas.