Midagsa ang 2,649 ka Butuanon gikan sa mga barangay sa syudad sa Agusan National High School Covered Court miaging semana. Kini aron modawat sa financial assistance pinaagi sa Tulong Panghanapbuhay sa Ating Disadvantage/Displaced Workers kun TUPAD program sa Department of Labor and Employment Caraga katambayayong ang Congressmans Office. Sumala ni Congressman Jose Aquino II kini na ang ika-93 nga financial payout nga gihimo sa DOLE, DSWD ug uban partner agencies uban sa congressman’s office asa mikabat na sa 93,996 ang natabangan ug nahatagan sa financial assistance. Miduyog sab sa aktibidad ang mga Punong Barangay nga gikan pa sa mga barangay ning syudad. Mapasalamaton sab si Congressman Aquino sa makanunayong suporta nila Mayor Ronnie Vicente Lagnada ug Vice Mayor Lawrence Fortun sa pagpatuman sa programa sa Presidents Office pinaagi ni President Ferdinand Marcos Jr. aron matabangan ang mga kaigsoonang Butuanon sa pang adlaw-adlaw’ng galastuson.