Aktibong gipahigayon sa Libertad Health District Zone ang prevention ug information campaign ngadto na sa 23 ka Barangay ilawom sa nasangpit nga distrito niini. Nanguna ang Barangay Libertad sa dunay pinakataas nga kaso sa dengue sa tanang barangay sa syudad. Hugot karong gitutukan sa Libertad Health District Zone ang pag ubos sa kaso sa dengue sa barangay. Nagpahigayon og sa usa ka rekorida kalabot sa dengue ang Libertad Health District Zone. Ang rekorida nag libot sa mga eskwelahan ug sa mga purok sa barangay. Gisiguro nga miabot ang rekorida sa mga hilit nga lugar sa barangay aron tanan residente makabati niini ug makabalo unsa ang dala sa sakit nga dengue ug unsaon paglikay nga magka dengue. Mibisita sab sila sa mga eskwelahan ug naghatag og information campaign. Ila usab gipaabot nga ang susama sa naipon nga tubig sa aircon ang pwede mahimong breeding ground sa lamok rason nga kinahanglan kini bantayan ug ilabog. Mipahimangno ang City Health Department nga kanunay nga manghinlo sa palibot aron walay mahimong breeding ground sa lamok.