Mibisita sa buhatan sa Sangguniang Panlungsod Butuan ang mga opisyales gikan sa Local Government Unit sa Padre Burgos Leyte, adlawng Lunes. Personal kining gi-abi abi ni Butuan City Vice Mayor Lawrence Fortun uban sa Sangguniang Panlungsod members dayun gipa ila-ila ug gipakita ang mga best legislative practices, accomplishments ug RACE 16:16 initiatives. Ang mga delegadong gikan sa LGU Padre Burgos Leyte gipangunahan ni Vice Mayor Maria Fe Crispina Poblete kauban ang mga miyembro sa Padre Burgos Sanggunian Bayan, City Secretary ug ubang staff. Gilibot mismo ni Vice Mayor Fortun ang mga bisita sa mga pasilidad sa SP aron mahatagan sa giya kabahin sa bag-ong structure ug legislative practices sa SP Butuan. Personal sab nga mipaabot sa pasalamat si Vice Mayor Fortun ug City Councilor Rey Desiata, Cromwell Nortega, Omar Andaya, Cherry May Busa, ug Liga ng mga Barangay President Gemma Tabada sa mga bisita nga napiling bisitahan ang Butuan City.