Gidawat sa lokal nga panggamhanan sa Butuan sa pagpanguna ni City Mayor Ronnie Vicente Lagnada ug ni City Human Resource Management Department Head Owen Ducena ang award ug accreditation gikan sa Civil Service Commission kon CSC Bronze Award sa Program to Institutionalize Meritocracy and Excellence in Human Resource Management (PRIME-HRM), nga gipahigayon sa Almont Inland Resort, ning syudad kagahapon. Usa kini ka pag-ila nga gihatag sa mga ahensya sa gobyerno ug institusyon nga nagpatuman sa Human Resource Management System nga accordance sa documented processes. Nakuha sa Butuan City ang PRIME-HRM Bronze Award human nakuha niini ang Maturity Level 2 Indicators sa upat ka core sa HRM Systems nga gilangkuban sa Recruitment, Selection and Placement, Performance Management, Learning and Development, ug Rewards and Recognition. Ang pag-ila nagpamatuod sa kalidad, epektibo, ug ang impact sa lokal nga panggamhanan sa hisgutanan sa human resource management. Committed ang LGU-Butuan sa pagpalambo sa kinatibuk-ang human resource management system niini. Gisiguro sab sa LGU-Butuan ang episyente ug epektibo nga mga indibidwal ang ibutang sa lokal nga panggamhanan aron padayon nga mahatag ang kalidad nga serbisyo para sa tanan. Mipasalig sab si Mayor Lagnada nga committed ang LGU-Butuan sa pag promote ug enhance sa well-being sa mga personahe sa lokal nga panggamhanan pinaagi sa human resource management practices nga labing gisunod sa City Human Resource Management Department.