Daling natubag sa lokal nga panggamhanan sa Butuan pinaagi sa City Agriculture Office ug Department of Agriculture ang gikinahanglang abono sa mga rice farmers aron magamit karon nga cropping season. Niabot sa 700 kapin nga Rice Farmers sa syudad sa Butuan ang nakadawat sa abono. Tungod niini, mipaabot sa dakung pasalamat ang mga Rice farmers gumikan daku na kining tabang aron mamenusan ang ilang mga gasto. Usa-usang miagi sa striktong evaluation ang tanang mag-uuma sa pagtinabangay sa City Agriculture Office ug Department of Agriculture aron masiguro nga ang mismong mag-uuma ang nakadawat niini base sa gihuptang data.