Mas nahimong produktibo ang panagtagbo sa lokal nga panggamhanan sa Butuan pinaagi sa City Agriculture and Veterinary Department ug Department of Agriculture Caraga sa natigayong Ceremonial Onion Harvest Festival sa Barangay Bit-os syudad sa Butuan. Usa ang umahan ni Agriboost Champion ug Cooperative Leader Victor Carampatana ug sa Diversified Agribusiness Farmers Cooperative DAFACO ang gihimong temporaryong techno demo aron tun-an ang pamaagi sa pagtanum sa sibuyas aron modako ang produksyon niini sa syudad asa usa usab sa high value crops nga mahal ang presyo sa merkado. Tungod napamatud-an na nga kayang motubo ug mas mapadako ang produksyon sa sibuyas sa dakbayan mas lig-onon pa ang pagtinabangay sa LGU-Butuan pinaagi sa City Agriculture and Veterinary Department ug Department of Agriculture Caraga uban sa partners ug stakeholders aron makab-ot ang pangandoy nga pagpadako sa produksyon niini sa Butuan City ug sa tibook caraga aron dili na moangkat pa sa laing dapit nga mga tigpamaligya. “Challenge gyod ni nato. Karon kay kabalo naman ta ato ning paningkamutan nga modaghan naa man tay area. Ang ato nalang kung unsaon nga mahimong productive ang atong area kay kuwang man gyod tag bombay nanghinaut ko nga ato ning mapadayon through sa tabang sa ubang sektor,” Sumala ni Melanio Catayas sa City Agriculture and Veterinary Department. Samtang sumala ni DA-Caraga Regional Director Arlan Mangelen tungod kay napamatud-an na nga kaya ang produksyon sa sibuyas sa syudad sa Butuan paningkamutang magmalungtaron kini aron usa na ang syudad nga maka contribute union sa nasud. Ang sibuyas usa sa high value crops nga nagkinahanglan sa igong pondo busa gikinahanglan ang pagtinabangay sa duha ka ahensya aron molahutay ang mahatag nga suporta sa mga mag-uuma sa dakbayan sa Butuan. Ang Onion Harvest Festival suportado usab sa mga opisyales sa Barangay Bit-os ning syudad.