Nipartisipar ang lokal nga panggamhanan sa Butuan sa pagpanguna ni Mayor Ronnie Vicente Lagnada sa 1st Quarter Nationwide Simultaneous Earthquake Drill alas dos kaganinang hapon. Ang scenario Magnitude 7.5 nga linog ang mi-igo apan walay casualty. Pagtingog sa alarm sa City hall building daling ni duck, cover and hold ang mga empleyado lakip ang mga kliyente nga dunay transaksyon sa mga buhatan. Human niini, hinay-hinay nga nilakaw pagawas sa building ang mga empleyado ug mga kliyente padulong sa luwas nga lugar. Dayong gi-evaluate sa City Disaster Risk Reduction and Management Office kun CDRRMO kung luwas na ba nga balikan ang building. Pinaagi sa gihimung earthquake drill masukod kung andam ba ang lokal nga panggamhanan ugaling dunay mahitabong linog. "Ang atong gibuhat is just plain evacuation, icheck lang nato kung in case naay emergency, mapa earthquake, sunog o unsa pa kabalo ta kung asa ang atong officemate mo agi nga dili mag gout" mao kini ang pahayag ni James Anthony Russel, LDRRMO IV, Operation and Warning Head, CDRRMO atol sa evaluation human sa earthquake drill. Dinhi nila mas gipasabot ang matag representante sa mga opisina kung unsa ka importante ang drill para maandam sa bisan unsa nga linog. Sa evaluation, nakita nga kinahanglan ma improve ang ka kusgon sa alarm ug ang ka andam lakip ang ka aktibo sa mga marshall nga maoy maggiya sa mga tawo. Plano karon sa CDRRMO nga dunay trainings para sa pagpangandam sa 2nd Quarter NSED.