Naka-andam ang lokal nga panggamhanan sa syudad pinaagi sa City Tourism and Cultural Affairs Department kun CTCAD sa pag abot sugod karong adlawa sa mga Butuanong gikan sa laing nasud nga manguli sa Butuan. Kini aron makigsaulog sa 38th Balangay Festival 2024 ug mosalmot sa mga aktibidades nga naglangkub sa Alumni, Balik Butuan Industrial Tour ug Balik Butuan Dinner Reception. Gani, kaganina gisugat sa dance performance sa Hugis Dance Project ang mga balik Butuan sa Butuan City Airport. Magsilbing Airport Receptionist ang mga personahe sa CTCAD sugod karong adlawa hangtud Mayo 19 alang sa pagtubag sa mga queries sa mga Butuanong manguli sa dakbayan.