Aprobado na sa Sangguniang Panlungsod sa pagpanguna ni Vice Mayor Lawrence Fortun ang SP Resolution No. 096-2023 nga pagtugot kang Mayor Ronnie Vicente Lagnada sa pagpirma pinaagi sa City Government sa Butuan isip Donor sa Deed of Conditional Donation alang sa Department of Education-DepEd XIII isip donee sa land area. Dunay gidak-on nga 2,299 square meters ang land area nga nahimutang sa D.O Plaza Regional Government Center sa Barangay Tiniwisan ning syudad aron tukuran sa DepEd XIII Regional Office. Nakalatid sab sa resolusyon nga exclusibo lamang sa itukod nga gambalay ang maong luna sulod sa tulo ka tuig gikan sa petsa sa pagdonar ug operation na ug makaserbisyo sa katawhan human sa usa ka tuig gikan sa konstruksyon. Kini usab nga probisyon subay sa giaprobahang Master Plan Development Guidelines (Building Standards) nga giandam sa donor o lokal nga panggamhanan sa Butuan pinaagi ni Mayor Lagnada. Nanguna sa pagpangamahan sa resolusyon sila City Councilor Joseph Omar Andaya uban nila Konsehal Rey Desiata ug Cherry May Busa.