𝗟𝗚𝗨 𝗕𝗨𝗧𝗨𝗔𝗡, 𝗠𝗜𝗦𝗔𝗟𝗠𝗢𝗧 𝗦𝗔 𝟭𝟯𝗧𝗛 𝗔𝗦𝗜𝗔 𝗦𝗠𝗔𝗥𝗧 𝗖𝗜𝗧𝗬 𝗖𝗢𝗡𝗙𝗘𝗥𝗘𝗡𝗖𝗘
October 30 2024, Wednesday 09:35 AM
Misalmot ang City Government sa Butuan sa 13th Asia Smart City Conference sa Pacifico Yokohama North nga gi-organisa sa City Yokohama uban sa Asian Development Bank Institute ug World Bank Tokyo Development Learning Center kun World Bank TDLC, niadtong Oktubre 22 hangtud 24.
Gipangunahan ni Butuan City Mayor Ronnie Vicente Lagnada ang delegasyon kauban sila Butuan City Vice Mayor Lawrence Fortun, City Councilor Cherry May Busa ug Konsehal Rey Desiata, City Administrator Atty. Joseph Ian Sabado ug Engr. Iris Joy Galaura.
Ang Asia Smart City Conference usa ka International Conference asa nagtagbo ang mga representatives sa Asian cities, national government, international organizations, academic institutions ug private companies nga nagtinguhang hisgutan ang malahutayong paglambo sa green economy pinaagi sa Net Zero decarbonization gamit ang siyensiya ug teknolohiya.
Makahigayon sab ang mga partisipante sa pagpakita sa plano ug inobasyon isip solusyon alang sa mga bag-ong business opportunities.
Nahisgutan sa conference ang Green Tranformation, Port City Decarbonization, Resillience in Informal Settlements, Green Hub sa Asia, Urban Design to Improve Well Being, Climate Smart Resillience ug Urban Infrastructure.
Paagi sab kini alang sa establishment sa marketplace asa ang overseas information ug lig-on nga promotion ug pagpatuman sa sustainable urban development ug business creations sa ingon makab-ot ang tinguhang decarbonization society ug mapalawuman ang implementasyon sa Asia Smart City isip hub sa pagsulbad sa urban issues.
Ang aktibidad nakasentro sa Asian Cities Together for a Greener Future pasabot nga ang mga stakeholders gikan sa Japan ug ubang nasud apil ang ubang representante sa Asian Cities magmalampusong magbinayloay sa ideas ug vision alang sa realization sa decarbonized society ug innovative solutions ug magtanyag sa nagkalain-laing teknolohiya pinaagi sa exhibits ug business exchange events nga magpakita sa green innovations asa magpromote sa malungtarong syudad isip usa usab sa pagpangandam sa GREEN EXPO 2027 sa Yokohama.
NEWS ARTICLES