Misalmot sa gipahigayong Smart City Summit and Expo sa Taipei, Taiwan ang delegasyon sa Butuan nga gipangunahan ni Mayor Ronnie Vicente Lagnada. Sulod sa summit ang Net Zero City Leaders Summit. Ang Net Zero City Summit usa sa mga highlights nga gisalmutan sa mga lain lain nga leaders sa mga nasud sa kalibutan. Ang Net Zero City nagtinguha nga mas mubo o wala nay mga greenhouse emissions aron mo-resulta sa sustainable ug carbon-free energy sa mga lugar. Ang konsepto sa Smart City ug Net Zero City susama nga gatinguha sa usa ka syudad nga sustainable ug resilient. Ang mga topics nga pagahisgutan sa maong summit mao ang the Development Trend of Zero Carbonization in Urban Transport ug Utilizing Smart Technology to Create Zero-Carbon Buildings. Kining maong Summit gitambungan sa 360 ka delegado gikan sa 43 ka mga nasud. Gawas kang Mayor Lagnada ug Vice Mayor Lawrence Lemuel Fortun, anaa sab sa Summit sila Konsehal Reynante Desiata, Konsehal Cherry May Busa, DOST Caraga Regional Director Engr. Noel Ajoc, CSU President, Dr. Rolyn Daguil, ug mga Department Heads sa LGU Butuan. Molungtad hangtud Marso 31, 2023 ang Smart City Summit and Expo.