Nagpinirmahay na sa kasabutan ang city government sa Butuan pinaagi ni Mayor Ronnie Vicente Lagnada ug mga kadagkuan sa Bureau of Local Government Finance kun BLGF Caraga Region sa pagpanguna ni Regional Director Erwina Grace Morales. Kini mahitungod na sa Deed of Donation alang sa konstruksyon sa BLGF Caraga Region-Department of Finance Building nga mahimutang sa Democrito O. Plaza Regional Government Center sa Barangay Tiniwisan ning syudad sa Butuan. Kini nga lakang subay usab sa SP Resolution no. 077-2025 nga gi-aprobahan sa tibook pwersa sa Sangguniang Panlungsod members sa pagdumala ni Vice Mayor Lawrence Fortun. Ang pinirmahay natigayon sa City Mayors Office Conference uban sa pipila ka department head sa lokal nga panggamhanan sa Butuan.