Nakadawat sa pasidungog ang lokal nga panggamhanan sa Butuan gikan sa National Association of Business Permits and Licensing Officers kun NABPLO Philippines Inc. Gawad Luntian kani adtong October 16, 2024. Midaug ang LGU Butuan sa Highly Urbanized City Category. Kini human gi anunsyo ni City Business Permits and Licensing Department Head Atty. Moshi Ariel Cahoy atol sa natigayong Flag Raising Ceremony sa City Hall ground. Ang nakuhang dakong pasidungog sa City Government sa Butuan pinaagi sa City Business Permits and Licensing Department sa lokal nga panggamhanan sa Butuan gumikan sa pagpatuman sa Electronic Business One Stop Shop kun E-BOSS. Nahiuyon kini sa streamlined services ug mga bag-ong inobasyon nga solusyon asa nakapasayon ug nagpahapsay sa pagkuha ug apply sa business permits sa mga negosyante sa dakbayan sa Butuan. Mismong si City Councilor Joseph Omar Andaya ug personahe sa CBPLD Ms. Rizalyn Dy ang midawat sa pasidungog sa kauluhan.