Mipartisipar ang Lokal nga Panggamhanan sa Butuan sa gipahigayong 3rd Quarter National Simultaneous Earthquake Drill kon NSED alas dos kaganinang hapon. Tumong niini ang paghatag og kahibalo kung unsay buhaton kung adunay mahitabong linog ug pagsiguro nga ang tanan eskwelahan, institusyon, ug komunidad andam sa epektibong pag responde atol sa linog. Sa pagpanguna usab sa City Disaster Risk, Reduction, and Management Office kon CDRRMO giandam ang tanan sa pagprepara sa kaugalingon atol na sa kalamidad. Adunay mga trained Responders gikan sa managlahing opisina sa LGU-Butuan nga maoy ni responde sa mga casualties sa Earthquake Drill, ug andam sab kini sa posible nga kalamidad nga muabot. Nahimong evaluators ang mga personahe sa CDRRMO, Bureau of Fire - Butuan, ug Philippine Red Cross Butuan - Agusan Del Norte Chapter.