Girekomenda sa TUV Nord ang lokal nga panggamhanan sa Butuan nga makadawat og Maintenance of Certificate under ISO 9001:2015 human ang natigayong tulo ka adlaw nga 2nd Surveillance Audit sa managlahing departamento sa syudad, Marso 18-20. Sa tulo ka adlaw nga audit, gitan-aw ang mga processes, implementasyon sa management system kung nasunod ba ang mga rekisitos sa ISO 9001:2015. GI-ila sa taga TUV Nord ang lakang sa mga departamento aron masunod ang ISO 9001:2015 ug mga inisyatibo para mahimong plastar ang pagpatuman niini. Sa mensahe nga gipaabot ni Mayor Ronnie Vicente Lagnada pinaagi kang Atty. Alyza Imma Concepcion Burdeos, CMO-Office Manager, nga bisan paman malampuson ang nahimong 2nd Surveillance Audit, gi-awhag niya ang mga empleyado nga mahimong abli sa oportunidad para sa kalambuan. Ang 2nd Surveillance Audit usa ka paagi aron masiguro nga natuman ang ISO 9001:2015, para mahatag ang kalidad ug insaktong serbisyo sa katawhan sa syudad sa Butuan.