Gipasidunggan sa TESDA Caraga ang City Government sa Butuan sa pagpanguna ni Mayor Ronnie Vicente Lagnada. Kini pinaagi sa paghatag og Special Kabalikat Award isip partner ug stakeholder sa pagpatuman sa kalidad nga Technical Vocational Education and Training kun TVET sa rehiyon Caraga. Gidawat ni City Councilor Cromwell Nortega ang award isip representante ni Butuan City Mayor Ronnie Vicente Lagnada. Kini atol sa natigayong Araw ng Parangal TESDA Caraga Service and Institutional Award Ceremony sa LMX Convention Center ning syudad. Hugtanung gisuportahan ni Mayor Lagnada ang ahensya pinaagi usab sa pagprovide og luna aron mamahimong regional training center asa nahimutang sa Barangay Pigdaulan ning syudad sa tinguhang mutaas ang ihap sa mga skilled graduates nga makakuha og maayong trabaho.