Girekognisa ug gipasalamatan ni TESDA Director General Secretary Jose Francisco Benitez ang tibook pwersa sa LGU Butuan atol sa natigayong Executive Luncheon Meeting sa Hotel Oazis ning syudad, miaging Byiernes. Kini sa pagdumala ni Mayor Ronnie Vicente Lagnada, Congressman Jose Aquino ll, Vice Mayor Lawrence Fortun ug mga SP Members nga nahimong key partner ug stakeholder sa paghatag og sustainable livelihood programs sa Butuan City. Katambayayong sa TESDA ang LGU Butuan sa programa tungod sa pagpirma ni Mayor RCL sa Deed of Usufruct aron mabutang ang TESDA Regional Training ug Assessment Center sa Barangay Pigdaulan ug matukod usab ang TESDA Regional Office sa DOP Regional Government Center Barangay Tiniwisan ning syudad subay sa gi-aprobahan sa tibook pwersa sa SP members nga SP resolution. Ang opisina ni Congressman Jose Aquino ll ang nahimong instrumento nga matagaan og pondo sa national government ang nasangpit nga gambalay. Samtang anaa sab sa Executive Luncheon Meeting sila Second District Representative Dale Corvera ug Governor Maria Angelica Rosedell Amante-Matba.