Nagkatapok ang PWD Federation sa Butuan City ug City Social Welfare and Development Department - Persons with Disability Affairs Office kon CSWDD - PDAO aron mahisgutan ang pagpalambo sa mga programa ug serbisyo alang sa sektor sa Persons With Disability kon PWD. Atol sa diskusyon nahisgutan ang kasamtangang kahimtang sa implementasyon sa mga programa ug mga nag-unang updates sa mga programa ug serbisyo ngadto na sa mga PWDs sa syudad. Usa sa mga gitutukan ang pagpalig-on sa mga serbisyo alang sa social protection, health, ug livelihood opportunities lakip na ang pakigtambayayong sa mga partner agencies. Gisiguro sab nga matagaan og dugang capacity-building training ang mga liderato sa mga PWDs nganhi sa syudad. Gipahibalo sab kanila nga maningkamot ang CSWDD-PDAO sa pagpa uswag sa accessibility sa mga serbisyo sa lokal nga panggamhanan ngadto na sa mga PWDs ug pagpakusog sa adbokasiya sa mga katungod sa mga PWDs. Lauman ang hugtanong kooperasyon sa PWD Federation ug CSWDD-PDAO nga mas mapalambo pa ang serbisyo sa maong sektor ug mahatag ang oportunidad para sa ila.