Gitagaan og pag-ila ang Butuan City sa Department of Social Welfare and Development Field Office Caraga atol na sa Pagkilala sa Natatanging Kontribusyon sa Bayan (PaNata Ko sa Bayan) Awards 2025, miaging semana sa may Pavillion, Watergate Hotel. Ang kalihukan naghatag og pag-ila sa mga indibidwal ug organisasyon nga naghatag og kontribusyon sa paghatag og serbisyo ug commitment sa trabaho aron sa pagpalambo sa kinatibuk-ang kaayohan sa komunidad. Personal nga gidawat ni Committee Chairman sa Committee on Social Welfare City Councilor Victor Plaza ang Plaque of Recognition isip representante ni Butuan City Mayor Ronnie Vicente Lagnada. Sa mensahe ni City Councilor Plaza, gibutyag niya nga ang nadawat nga pag-ila usa ka testamento sa dedikasyon sa matag-usa. Garbo sa syudad ang kontribusyon nga gihatag sa tanan para sa komunidad ug gi-awhag ang tanan sa padayon nga pakighiusa para padayon ang kabag-ohan sa komunidad. Mipasalig ang LGU-Butuan nga luyo sa nadawat nga pag-ila gikan sa DSWD Field Office Caraga kanunay na ang serbisyo ug programa ang ginahatag hilabi na sa hisgutanan sa Social Services para sa tanang sektor sa komunidad.