Gidawat kaganinang buntag nila Butuan City Mayor Ronnie Vicente Lagnada ug Vice Mayor Lawrence Fortun ang SGLG Seal ug Certificate gikan sa Department of Interior and Local Government kon DILG human mipasar sa 2024 Seal of Good Local Governance (SGLG) Assessment nga gipahigayon sa The Tent City, Manila Hotel. Kauban sa mga opisyal sila City DILG Director Annabel Yangson ug kanhi City DILG Director Charissa Guerta. Usa ang Butuan City sa 714 LGUs nga nakapasar sa 2024 SGLG gikan sa 1,715 local government units kon LGUs nga na assess nationwide. Committed ang mga nakadaug sa pag promote sa transparency, accountability, ug performance excellence sa local governance. Pasado ang mga nakadaug sa mga areas ilawom sa SGLG program sama sa Financial administration and sustainability; Disaster preparedness; Social protection and sensitivity; Health compliance and responsiveness; Safety, peace, and order; Environmental management; Sustainable education; Business friendliness and competitiveness; Tourism development; ug Heritage, culture, and the Arts.