Gilusad adlawng Huwebes ang LGBTQ+ Day subay na sa SP Ordinance No. 6799-779-2022 nga gipahigayon sa City Hall lobby. Kini gitambongan sa mga miyembro sa LGBTQ+ sa City hall lobby. Sumala ni Konsehal Cromwell Nortega ang bulan sa Hunyo usa ka selebrasyon sa kaagi, hagit ug kadaugan sa LGBTQ+ sa atong komunidad. Lakip na nga gi-emphasize niini nga ang LGBTQ dugay na nga nag handom og equal rights. “Pride month provides a platform for members of the LGBTQ Community to confidently express their true self,” sumala ni Konsehal Cromwell Nortega. Sa mensahe nga gipaabot ni Konsehal Cherry May Busa pinaagi sa iyang representante nga si Sussane Keisley Ramin nga ang LGBTQ Month dili lang usa ka selebrasyon, gani, usa sab kini ka pahinumdum nga nag exist sila sa komunidad og takos sab sila nga hatagan og angay nga katungod sama na sa lalaki ug babaye nga luwas ug hapsay sila nga mamuyo sa katilingban. Gawas sa pormal nga pag lusad sa LGBTQ Day, duna sab seminar/orientation kalabot na sa balaod nga nag suporta sa katungod sa LGBTQ Member. Gitambungan ang kalihukan nila Konsehal Cromwell Nortega, representante ni Konsehal Cherry Mae Busa nga si Sussane Keisley Ramin, CHR-Caraga Edson Alijo, Atty. Euvic M. Ferrer, Focal Person sa LGBTQ Rights ug mga personahe sa City Population Office.