Miabot sa 737 ka mga Butuanon ang nakabenepisyo sa Assistance to Individuals in Crisis Situation kun AICS Program sa DSWD nga gikan sa Barangay Baan Riverside, Banza, Bobon, Buhangin, Mahogany, Maug ug Tiniwisan. Kini pinaagi na sab sa paningkamot ni Congressman Jose Aquino II aron padayong matabangan ug masuportahan ang panginahanglanon sa mga Butuanon ilabina kadtong mga nawad-an sa panginabuhian. Nakabenipisyo sab sa nasangpit nga programa ang mga kaigsoonang Senior Citizens ug Person with Disabilities kun PWUDs gikan sa nasangpit nga mga barangay. Sa natigayong payout miaging semana nakadawat og tag 4,000 pesos matag usa ang mga benepisyaryo. Nagpasalamat si Congressman Joboy Aquino sa DSWD Caraga nga misanong sa iyang ligasiya nga pagtabang sa tanang nanginahanglan ug anaa kanunay mihatag og suporta sa katawhang Butuanon ug mga residente sa munisipyo sa Las Nieves.