Nakalampos sa kinse ka adlaw nga regular training sa Driving NC II ang kwarenta ka benepisyaryo sa may DOP Bldg. Government Center, Tiniwisan, ning syudad, Pebrero 27. Gidawat sa mga benepisyaryo ang Certificate of Completion. Mapasalamaton ang mga benepisyaryo sa nasangpit nga pagbansay tungod nakabaton sila og skills sa driving ug lakip na ang pag mentinar sa sakyanan. Padayon ang Butuan City Manpower Training Center kon BCMTC sa pagdawat sa mga gusto mo enroll sa pagbansay sa Driving NC II. Pahibalo sa BCMTC nga mobisita lang sa buhatan sa may DOP Building, Brgy. Tiniwisan, ning syudad. Mamahimo sab nga motawag sa numero 09306383901 alang sa dugang impormasyon kabahin sa gusto mo avail og training. Abli ang buhatan gikan Lunes hangtud Biyernes sa may alas otso sa buntag hantud sa singko sa hapon. Mandato ni Butuan City Mayor Ronnie Vicente Lagnada nga padayon ang paghatud sa lokal nga panggamhanan sa mga programa ngadto na sa mga residente nga nag lisud og kuha og trabaho aron makabaton og dugang skills nga makatabang sa ilang panginabuhian.