Nipailawom sa Community Based Mandatory Training ang Isda-on Farmers Agriculture Cooperatives sa Barangay Sumile, Hunyo 26-27, 2023 didto sa Covered Court sa nasangpit nga Barangay. Katuyuan sa pagbansay nga ma-ugmad ang mga miyembro sa mga kooperatiba labi na sa entrepreneurial capabilities, managerial expertise, ug technical skills alang na sa episyente nga pag padagan sa kooperatiba. Gipangunahan kini sa City Cooperative Development Office kauban ang Cooperative Development Authority kun CDA. Ang Lokal nga Panggamhanan sa Butuan pinaagi sa City Cooperative Development Office naghatag og mga pagbansay aron ma-empower ang tanang kooperatiba sa syudad sa Butuan.