Giila sa lokal nga panggamhanan sa Butuan pinaagi sa City Agriculture Office sa suporta ni Mayor Ronnie Vicente Lagnada ang kalampusan ug kooperasyon sa mga Organic Farmers ug Stakeholders sa pag-abli sa Organic Agriculture Trading Post atbang sa Jeepney Terminal Taboan Market Barangay Fort Poyohon. Usa usang gihatagan og Certificate of Recognition ug cash incentives ang mga organic farmers ug stakeholders isip pasalamat sa gipakitang dedikasyon ug sakripisyo aron magmalampuson ang pag abli sa programa. Gidasig sab ni City Councilor Arturo Gado ang tanang organic farmers nga magpadayon sa pagkugi tungod anaa sa panguma ang dalan sa pag asenso. Dugang pa niini, nga daghang oportunidad sa pag-uma kung ang tanang mag-uuma dunay saktong pagdumala sa matag abot. Nagpasalamat sab ang City Agriculture Office sa DA-Organic Agriculture Program sa walay puas nga suporta sa tanang programa sa lokal nga panggamhanan sa Butuan alang sa pagpalambo sa kahimtang sa tanang mag-uuma. Gani isa sa gipasalamatan sa nasangpit nga buhatan ang bag-ong commitment sa DA nga mohatag og hauling truck aron dunay magamit ang trading post.