Giila ug kinasingkasing nga gipasalamatan sa Butuan City 16th Sangguniang Panlungsod members sa syudad sa Butuan sa pagpanguna ni Butuan City Vice Mayor Lawrence Fortun ang serbisyo ug kontribusyon sa kalambuan sa syudad sa Butuan ni kanhi City Councilor Vincent Rizal Rosario. Kini pinaagi sa SP Resolusyon no 459-2023 nga miresulta sa daghang kaayuhan sa tanang Butuanon ilabina sa hisgutanang imprastraktura, transportasyon ug disaster management kini panahon sa iyang termino isip miyembro sa Sangguniang Panlungsod sa Butuan City. Daghan sa mga ordinansa ang gipangamahanan ni Konsehal Rosario isip Committee Chairperson sa Transportation and Traffic Management ug disaster risk reduction management asa hangtud karon padayon nga gisunod ug gipatuman. Giila usab nga usa sa testamento ang mga legasiya ug dedikasyon ni Konsehal Rosario nga nagpabiling dako ang impluwensya sa komunidad ug sa kinabuhi sa matag Butuanon. Sa karon si Engr.Vincent Rizal Rosario nagserbisyo na isip Punong Barangay sa Barangay Libertad ning syudad. Ang SP resolusyon gipangamahanan mismo ni Vice Mayor Law Fortun uban sa mga Konsehal sa syudad sa Butuan nga sila Cromwell Nortega, Rey Desiata, John Gil Unay, Ehrnest John Sanchez, Victor Plaza, Eduardo Gonzalez, Gemma Tabada ug Joseph Manuel Morcilla.