Nagpadayon karon ang konstruksyon sa Phase-5 sa proyekto nga Urban Drainage ning syudad. Gipahugtan ni Mayor Ronnie Vicente Lagnada ang pagpatuman sa proyekto aron hingpit nang dili makasinati og baha ang mga kadalanan sa syudad. Nahibaluan nga muabot sa Phase-22 ang kinatibuk-ang dagan sa proyekto nga gipunduhan sa lokal nga panggamhanan sa Butuan pinaagi sa City Engineers Office ug national government. Padayon karon ang pakigtambayayong ni Mayor Lagnada ngadto sa national government alang sa daghan pang proyektong muabot sa syudad tungod tinguha niini nga mamahimong eco-smart city ang Butuan. Samtang gihangyo usab ang pagsabot sa publiko sa huot nga dagan sa trapiko gumikan sa mga nagpadayong konstruksyon sa proyekto tungod gibuhat kini alang sa kaayuhan sa tanan sa umaabot nga panahon.