Nagpadayon karon ang konstruksyon sa Replacement sa Agusan Pequeňo Bridge sa Barangay Agusan Pequeňo ning syudad. Kini nga tulay dunay kalapdon nga 4 lanes nga gipatuman sa Department of Public Works and Highways Regional Office XIII. Dugay-dugay na kining problema sa mga residente sa nasangpit nga barangay ug kasikbit niini apan human sa mga public konsultasyon ug mga pagsusi sa lokal nga panggamhanan sa Butuan, mga miyembro sa Sangguniang Panlungsod sa syudad sa Butuan kauban ang DPWH Region 13 ug opisyales sa barangay namugna ug napunduhan ang nasangpit nga proyekto. Gipanghingusgan ni Mayor Ronnie Vicente Lagnada ang partnership sa mga national government pinaagi sa regional agencies alang sa mas paspas nga pagdagsa sa mga proyekto sa syudad sa Butuan. Ang pagkumpleto niini nga proyekto lauman ang pagdagsa usab sa negosyo sa dapit tungod sa mas hayahay na nga pagbyahe sa mga residente ug pagsulod sa mga negosyante sa Agusan Pequeňo ug silingang barangay.