Hapit na makumpleto ang konstruksyon sa Phase-1 o structural building ug architectural building sa Command Center for Disaster Response and Risk Reduction nga nahimutang sa Barangay Villa Kananga ning syudad base na sa gipagawas nga report sa City Engineers Office. Kutob sa Phase-3 ang kinatibuk-ang pagkumpleto sa proyekto nga gilaumang mahuman sunod tuig. Kini nagpasabot nga ang Phase 2 ug Phase 3 niini anaa na ang special system, utilities ug uban pang ekipo. Buot ni Mayor Ronnie Vicente Lagnada nga functional na ang tanang system ug utilities sulod sa maong command center ayha balhinan. Ang Command Center usa sa big ticket project ni Butuan City Mayor Ronnie Vicente Lagnada nga gihingusgang mahuman sa nakatakdang panahon aron hingpit na kining magamit ug paspas nga pagdumala sa mga operasyon sa pagtubag sa nagkadaiyang mga emerhensiya ug uban pang kalamidad ang masinati sa syudad sa Butuan. Gisigurong ang pundasyon sa nasangpit nga Command Center mohaum nga makakaya sa Intensity 8 nga gikusgon sa linog ug dunay usa sa state-of the art nga mga ekipo nga 24/7 mag operate.