Kamulo na ang konstruksyon sa Phase-1 sa proyektong East hangtud West Lateral Road nga nagkonekta sa Agusan del Sur ug Agusan del Norte Barangay Bilay padulong Barangay Dulag Section Agusan Bridge ug nagkonektar sa Daang Maharlika isip alternatibong ruta sa Afga padulong El Rio Section Sibagat. Kung makompleto ang proyekto lahos-lahos na ang byahe sa mga produkto sa nasangpit nga mga dapit paingon sa merkado ug mokonhod na usab ang oras sa byahe. Pinaagi usab niini nga proyekto lauman ang pagtaas sa ekonomiya sa dakbayan sa Butuan tungod mas dali na sa mga negosyante ang pagsulod ug pagbutang og negosyo nga makahatag og panginabuhian sa mga Butuanon. Nahimong posible ang pagbubo sa daghang infrastructure project sa Butuan City ug kasikbit nga dapit sa rehiyon gumikan sa hiniusang relasyon tali na sa mga regional line agencies ug lokal nga panggamhanan sa Butuan pinaagi ni Mayor Ronnie Vicente Lagnada. Kini nga proyekto gipatuman sa Department of Public Works and Highways District Engineering Office.