Nagsugod na ang konstruksyon sa Butuan City Central Police Station nga nahimutang sa Barangay Villa Kananga tapad mismo sa modernong Command Center for Disaster Risk Reduction. Gipaningkamutan ni Butuan City Mayor Ronnie Vicente Lagnada ang pagbutang og Butuan City Central Police Station nga tapad mismo sa Command Center aron mas dali na ang pagresponde sa mga emerhensiya ug pagdumala sa mga administratibong operasyon. Plano usab ni Mayor Lagnada nga magbutang sa dapit og Butuan Central Fire Station aron one stop shop na ang pagtubag sa mga emerhensiya sa syudad sa Butuan.