Nagpadayon karon ang konstruksyon sa Butuan Central Police Station kun BCPS nga nahimutang sa Barangay Villa Kananga ning syudad. Anaa na sa 68 porsyento ang dagan sa konstruksyon ning bulana sa pagpatuman sa City Engineering Department sa lokal nga panggamhanan sa Butuan sa hugot nga suporta ni Mayor Ronnie Vicente Lagnada. Gihingusgan ni Mayor Lagnada nga mabutangan og BCPS ang syudad aron mas paspas na ang pag responde sa mga mahitabong krimen sa syudad sa Butuan.