Masugdan na ang konstruksyon sa Butuan Medical Center Mental Health Facility sa may Butuan Medical Center Grounds. Ang proyekto gipunduhan sa Department of Health isip abag sa lokal nga panggamhanan ngadto na sa mental health issues and concerns sa syudad. Dugay rang pangandoy sa syudad ang pag establish og mental health facility ug matuman na kini. Pinaagi niini ma-address na ang mga problems sa substance abuse, ug uban pang neurological mental health concerns. "Kadtong mga Mental Health issues sa mga constituents sa Butuan City, kay ma address na with the presence of the facility. So, at the same time ang pinaka gusto nato untana nga ang mga mental health issues o concerns dili siya hatagan og stigma kay kini ang one of the concerns nato karon kay ang atong gusto i-promote ang mental health well-being sa atong katilingban,” sumala ni DOH-Caraga Regional Director, Dr. Cesar Cassion. Base sa taho sa City Health Department kon CHD, gatusan na ka kaso ang natala nga mental health cases sa syudad gikan sa mga barangay. Dunay mga kaso nga dal-on pa sa laing lugar ang pasyente tungod sa kakulangon sa serbisyo apan pinaagi sa bag-ong pasilidad mas matutukan ug mahatagan na og igong pagtagad ang mga mental health issues sa syudad. Gikalipay sa CHD ug BMC ang bag-ong pasilidad tungod matutukan na ang mga pasyente, matagaan og tambal.