Gilusad sa City Transportation and Traffic Management Department kun CTTMD sa lokal nga panggamhanan sa Butuan ang paghimo sa komprehensibong vehicle ug passenger load count survey sa mga pampublikong sakyanan sa syudad sa Butuan miaging semana. Kauban sa CTTMD personnel ang mga 4th year student Criminology sa Saint Joseph Institute of Technology isip partner academe sa lokal nga panggamhanan sa Butuan sa pagpatuman sa programa. Kini nga survey kabahin sa plano ug proyektong Smart Traffic Management System sa syudad sa Butuan sa tinguhang makaangkon sa pagbaton sa luwas, episyente ug hapsay nga sistema sa transportasyon ug trapiko alang sa mas progresibong syudad nga gitutukan ni Mayor Ronnie Vicente Lagnada pinaagi sa CTTMD.