Nakigpulong si City Councilor Ehrnest John Sanchez, Committee Chairman sa Public Order and Safety sa mga bar owners ug operators sa syudad kauban sa mga Station Commander sa nagkadaiyang mga police station ning syudad sa Butuan uban usab nila Konsehal Cromwell Nortega, Cherry May Busa, John Gil Unay ug Gemma Tabada. Kini aron mas pahugtan ang pagpatuman sa ordinansa sa pag abag sa kapulisan. Subay niini, gihangyo sa komitiba ni Konsehal Sanchez ang kooperasyon sa mga bar owners ug operators aron maundang na ang mga reklamo gumikan sa kabanha ilabina ang anaa sa residential area ug pagbaligya sa ilimnong makahubog sa mga menor de edad. Subli usab gipahinumduman sa komitiba ang BPLD ug City ENRO sa hisgutanang citation ticket aron dunay magamit ang mga enforcer. Buot usab sa komitiba nga ipahigayon ang surprise visit sa mga bar ug ubang establisamento aron masayran ang mga misupak sa balaod.