Mitaas sa bulan sa Disyembre 2022 ang koleksyon sa City Treasurers Office base na sa ilang gisumiteng report. Miabot sa kapin 247million pesos ang koleksyon. Kini nga koleksyon gumikan sa pagdagsa sa mga business owners ug property owners nga aktibong mibayad sa mga buluhisan sama sa business tax, property tax, permits, ug uban pang clearances. Apil na niini ang koleksyon sa Office of the City Economic Enterprise nga naglangkob sa merkado, terminals, taboan, slaughter ug uban pang gipatuman nga mga koleksyon sa syudad sa Butuan. Bulan sa Oktubre 2022 anaa lamang ang koleksyon sa kapin 136 million pesos samtang sa bulan sa Nobyembre tuig 2022 anaa lamang kini sa kapin 90 million pesos. Gisiguro ni Mayor Ronnie Vicente Lagnada nga dunay striktong pagmonitor sa koleksyon sa syudad asa mapadulong sa panudlanan sa gobyerno alang sa paghatag sa nag-unang serbisyo sa katawhan pinaagi sa paghatod sa nagkadaiyang programa ug proyekto nga usa usab sa tinubdan sa pagpataas sa ekonomiya sa dakbayan sa Butuan.