Sa gipagawas nga report sa City Treasurers office ning syudad, migawas nga niabot sa kapin 261 million pesos ang koleksyon bulan sa Enero tuig 2023. Samtang kapin sa 235 milyon pesos bulan sa Pebrero ug kapin sa 144 milyon pesos sa bulan sa Marso. Kini nga koleksyon gikan sa business permits, business tax, real property tax, market fees, bus terminal fees, taboan fees, slaughter fees, clearances ug uban pang tax ug fees. Gisiguro usab sa nasangpit nga buhatan nga dunay striktong internal control ang tanang misulod nga pondo ug assets sa city government sa Butuan aron malikayan ang anomalya. Ang nasangpit nga pondo mao ang kuhaan alang sa mga programa ug proyekto nga gipatuman sa kadumalahan ni Mayor Ronnie Vicente Lagnada asa dunay saktong plano ug long term nga istratehiya sa maayong kaugmaon sa mga Butuanon ug alang sa mas progresibong syudad sa Butuan.