Luyo sa kusog nga ulan, nagkatapok ang mga managlahing opisina sa Lokal nga Panggamhanan sa Butuan, Regional Line Agencies ug uban pa alang sa pagsaulog sa unang adlaw sa Watershed Consciousness Week kaganinang buntag nga gipangunahan sa City Environment and Natural Resources Department. Usa sa nahimong highlight sa pagbukas sa kalihukan ang natigayong motorkada nga nagsugod sa St. Joseph Cathedral sa syudad hangtud na sa Sitio Iyao, Barangay Anticala. Pag-abot sa Sitio Iyao, nagpahigayon dayon og programa ang buhatan asa gipaabot ni Acting City Environment and Natural Resources Department Head Forester Jess Ivan Saburao ang mga nakalinyang aktibidades sa pagsaulog sa Watershed Consciousness Week. Gibutyag sab ni Konsehal Victor Plaza, Committee Chairperson sa Committee on Environment and Natural Resources nga pinaagi sa implementasyon sa Forest Land Use Plan ug Comprehensive Land Use Plan sa Lokal nga Panggamhanan sa Butuan garantisado ang pag protekta watershed sa dakbayan. Ang FLUP naghatag og specific zoning regulations sa mga kabukiran nga nag promote sa critical ecosystem nga anaa sa watershed samtang ang CLUP usa ka palisiya nga nag siguro nga ang urban development nakalinya sa ecological balance sa syudad o rehiyon. Ang Watershed Consciousness Week Celebration molungtad hangtud Enero 19, 2024.