𝗞𝗔𝗦𝗔𝗨𝗟𝗨𝗚𝗔𝗡 𝗦𝗔 𝗪𝗔𝗧𝗘𝗥𝗦𝗛𝗘𝗗 𝗖𝗢𝗡𝗦𝗖𝗜𝗢𝗨𝗦𝗡𝗘𝗦𝗦 𝗪𝗘𝗘𝗞, 𝗣𝗢𝗥𝗠𝗔𝗟 𝗡𝗔𝗡𝗚 𝗚𝗜-𝗔𝗕𝗟𝗜𝗛𝗔𝗡
January 22 2025, Wednesday 11:39 AM
Gisugdan ning adlawa ang kasaulugan sa Watershed Consciousness Week nga gipangunahan sa City Environment and Natural Resources Department kun CENRD.
Sa gipaabot nga mensahe ni Konsehal Victor Plaza, Chairperson sa Committee on Environment and Natural Resources, kinahanglan nga kung unsa ang gihatag sa kinaiyahan ulian sab og pagpangga ug pag amuma para kini molungtad sa kadugayon.
Ang pagpahigayon og Watershed Consciousness Week ginaselebrar matag tuig sa katuyuan nga mahingusgan sa CENRD ang kampanya sa pag amping sa kinaiyahan labi na kilid sa mga watershed sa syudad aron padayon kini mag hatag og limpyo nga tubig sa katawhan, mga hayop, tanom ug uban pa.
NEWS ARTICLES