Malampuson nga natigayon ang International Day of Cooperatives miaging semana sa Pisay Gymnasium, Barangay Tiniwisan ning syudad subay sa temang "Cooperatives Build a Better Future for all." Daghan sa managlahing kooperatiba sa syudad ug sa tibouk Caraga ang nitambong sa aktibidad isip pagsuporta sa mga kooperatiba sa nasud. Managlahing aktibidad ang gi-andam alang kanila nga aktibo nga gipartisiparan sa mga miyembro sa kooperatiba. Ang International Cooperative Day usa ka annual celebration matag Hulyo 6 nga nag sugod niadtong 1923 sa International Cooperative Alliance nga gimugna aron sa paghatag og kahibalo nga dunay kooperatiba lakip na ang kontribusyon niini sa katawhan ug sa katilingban. Ang kalihukan gipangunahan sa Cooperative Development Authority.