Nagmalampuson ang natigayong Kasal ngani Butuan nga gipasiugdahan sa lokal nga panggamhanan sa Butuan pinaagi sa City Civil Registrar sa Almont Inland Resort kaganinang buntag. Gitapos sa usa ka "you may now kiss your bride" ang Kasal ngani Butuan o ang Mass Civil Wedding asa miabot sa 50 ka paresan ang nakasal asa nahimung Officiating Official si City Mayor Ronnie Vicente Lagnada. Anaa sab slicing of cake sa mga couple isip simbolo sa pinakauna nila nga tahas isip bana ug asawa, gisundan dayon sa drinking of wine nga nag simbolo sab sa ka pait ug ka tam-is nga agihan nila isip magtiayon. Malipayon sila Rhea Mae Varona ug Kenneth Martinez nga usa sa nakabenepisyo sa programa libreng kasal sa City Civil Registrars Office tungod legal na ilang panag-uban human sa katorse ka tuig nga panag-ipon. Daku sab ilang pasalamat kang Mayor Lagnada tungod padayon nga gihatag ang programa nga Mass Civil Wedding. Personal sab nga gitunol ni Mayor Lagnada ang mga regalo alang sa 50 ka paresan nga gikasal. Ang aktibidad programa sa City Civil Registrars Office ug kabahin sa kasaulugan sa Balangay Festival.