Gidayeg ug saludo si Liga ng mga Barangay President Gemma Tabada sa kalampusang nakab ot sa kapulisan gumikan sa dedikasyon ug pagpakita sa matinud-anong serbisyo sa komunidad. Nahimung Guest Speaker si Liga ng mga Barangay President Tabada atol sa natigayong traditional Monday flag raising ceremony ug awarding kaganinang buntag. Giila sab niini ang paningkamot ug commitment sa kapulisan aron masiguro ang siguridad ug naglantaw sa kaayuhan sa katawhang Butuanon. Mapasalamaton ug nanghinaut usab si Tabada sa tanang kapulisan nga padayunon ang pagkamaayo ug paningkamot aron mapanalipdan ang tanan ug dili kalimtan ang gugma ug pagkamaunongon diha sa pagpanerbisyo sa komunidad.