Anaa sa 1,406 ka Job Vacancies ang gitanyag sa natigayong JOB Fair atol sa 73rd Adlaw Hong Butuan kagahapon sa Gaisano Mall Butuan. Ang fresh graduate nga si Jirah Bondoc nisalmot sa aktibidad. Kini ang iyang pinakaunang JOB Fair nga na-apilan. Nagkadaiyang mga kompanya ang iyang gi-aplayan sa paglaum nga makakuha siya og trabaho isip Managerial Staff. Admitado siya nga nakasinati siyag mga hagit sa iyang pag pang apply. Apan dili kini babag sa iyang gitinguhang makabaton og trabaho. "Bisan wala pakoy experience, I have the guts, I have the strength and I have the potential,” sumala ni Jirah Bondoc. Sa mensahe nga gipaabot ni Konsehal Arturo Gado, Committee Chairman sa Committee on Labor, Employment, and Human Resources nga wala gipasagdan sa gobyerno ang katawhan pinaagi sa paghatag og oportunidad nga makatrabaho ang katawhan sa syudad sa Butuan. Katambayayong sa Public Employment Service Office kun PESO ang Department of Labor and Employment kun DOLE, Gaisano Mall Butuan ug 25 ka local companies nga nipartisipar sa kalihukan.