Daghan na sa mga magpapatigayon sa syudad ang nakakuha na sa ilang mga business permits atol sa nagpadayong Business One Stop Shop sa lokal nga panggamhanan sa Butuan nga gipahigayon sa South Atrium sa Robinsons Place Butuan. Sugod Enero dos hangtud Enero katorse anaa na sa 7,100 nga mga nanag-iya og patigayon ang naka renew na sa ilang business permit samtang 471 ang mga bag-ong narehistro sa syudad. Mipahinumdum ang CBPLD sa mga buot mokuha o mag proseso sa ilang business permit nga abli ang adlawng Lunes hangtud Biyernes sa alas otso sa buntag hangtud alas otso sa gabie. Anaa sab sila kada Sabado ug Domingo gikan alas otso sa buntag hangtud alas singko sa hapon. Mulongtad ang BOSS hangtud Enero 31 ning tuig.